Dat is een Gericht, dor kann ik op af. Gifft jo Lü, de meen, dat kiekt
rinn as rut ut. Stimmt nich. Is man so, dat een nich so veel met sien
Teihn moken mutt. Un kanns dorum mehr freten as wenn Du ierst all'ns
met 'n Mess snieden mutts. Wat is Labskaus? Dat is 'n ool Gericht vun
See. Alln's wat Du bruuks, hollt sick good över Weeken. Un wenn Du
seekrank warrs, denn hess tominns nich umsünst kaut. Un ok uns Nahwers
in Denmark un Sweden kennt dat. So is dat just 'n Stück
internatschonaal Keuk.

Wat bruuks för Labskaus? För veer Lü Woans geiht dat? 1 Kilo
Kantüffeln. De warrd stampt. Kanns ok Kantüffelmus nehm. 1 Pund
Pökelfleesch (kanns ok Corned Beef nehm. Un ok dat Dosenfleesch vun de
EG, wat vun den Rindfleeschbarg kummt). 2 Zibbeln Öl Suur inleggt
Gurken. Könt ok seutsuur Gurken sien Rode Beete (inleggt) Hering:
Rullmops, Bismark oder ok de dänschen seuten Hering.
Wahrschau: Kümmt jümmers blangenbi un ni nich mittenmang! 4 Eier
(de kümmt as Spegelei baben op) Dorto: Beer un Köm

Kantüffeln schälen un koken, bit se week sünd. Gurken un Rode Bete
in lütte Stücken sneden. Man nich all'ns, mutt noch wat för de
Dekoratschoon blieven. Fleesch to Mus drücken. De Zibbeln in lütte
Stücken sneden. Kantüffeln rutholen un to Mus stampen. Öl in 'n
grote Pann oder 'n groten Pott. Denn op't Füer doon un heet moken.
Zibbeln in de Pann un glasig warrn loten. Fleesch in de Pann un
anbroten. Dat Füer lütt stelln. Gurken un Rode Beete (nich allns) in
den Pott met Zibbeln un Fleesch. Kantüffelmus dorto. Warm holln un af
un an dörröhrn. Nu hess Labskaus in'n Pott. Spegeleier moken (in de
Pann). Labskaus op de Deller dohn. Nu hess 'n Labskausbarg. 1-2 Gurken
un Rode Beete blangenbi leggen. de Hering kümmt half blangenbi un half
op den Labskausbarg. Baben op den Labskausbarg kümmt dat Spegelei.
Fardig. Nu kanns Freten as dull.

För de Hoogdütschen hebb ik een Link, de geiht ok good. De is bi
bsne. de

Stichworte: Ei, Eintopf, Hering, Kartoffel, Rind