(*) Es Rezäpt für 4 Persone Bim Metzger verlange mir Rindsbrate zum
Ylege.

Für e Sud zum Ylege: Aui Zütate tüt me i ne grossi Schüssle, leit
ds Fleisch dry i laht's zäme ca. 8-10 Tag im Chüeuschrank oder imene
chüele Chäuer la stah.

Nach däm näh mer üse Mocke us em Sud use, tupfe ne troche u brate ne
im güt heisse Fett imene Brate-Gschirr a.

Zütate usem Sud wärde ire grosse Pfanne mit Anke ume Tomatepüree
churz azoge u nachhär mit em Sud abglösche. Ds güt abratne Fleisch
gä mer derzü u lö's ca. 2 - 2 1/2 Std. liecht la chöcherle.

Sobau as ds Fleisch zart u weich isch nimmt mes use, tüt
d'Flüssigkeit absieble u macht nachhär mit Maizena oder emene angere
Bindemittu e sämigi Sosse. D'Sosse mit Sauz u Pfäffer abschmöcke, dr
Brate i Schybe schnyde um mit dr Sosse übergiesse.

Zäme mit Chnöpfli, Rys, oder wi bi üs im Bahnhof ds Lützuflüeh,
mit früschem Härdöpfustock serviere.

Stichworte: Fleisch, Rind